प्रथम तुला वंदितो, कृपाळा, गजानना गणराया - २
विघ्नविनाशक गणीजन पालक दुरित तिमिर हारका,
सुखकारक तू दुख विदारक, तूच तुझ्या सारखा,
वक्रतुंड ब्रम्हांड नायक, विनायक प्रभुराया,
सिद्धिविनायक तूच अनंता, शिवात्मजा मंगला,
सिंदूर वदना, विश्वाधीशा गणाधीशा वत्सला,
तूच ईश्वरा साह्य करावे, हा भाव सिंधू ताराया,
गजवदना तव रूप मनोहर, शुक्लांवर शिवसुता,
चिंतामणी तू अष्टविनायक, सकलांची देवता,
रिद्धी सिद्धी वरा दयाळा, देई कृपेची छाया,
गीत : शांताराम नंदगावकर.
संगीत : अनिल - अरुण
स्वर : अनुराधा पौडवाल, पं. वसंतराव देशपांडे.
चित्रपट : अष्टविनायक (१९७९)
